អ្នកការសែតម្នាក់របស់សារព័ត៌មានអង់គ្លេសត្រូវបានស្លាប់ក្នងប្រទេសស៊ីរី

លោកស្រី ម៉ារី ខូលវិន ( Marie Colvin ) ជាជនជាតិ អាមេរិក ដែលរស់នៅក្នុងទីក្រុងឡុងដ៏និងជាអ្នកយកព័ត៌មានស្តីពីសង្គ្រាមរបស់ការសែត​ Sunday Times របស់ចក្រភពអង់គ្លេស គឺត្រូវបានស្លាប់កាលពីថ្ងៃទី២២​ កុម្ភៈ នៅក្នុងទីក្រុងហូម រដ្ឋធានីនៅភាគកណ្តាលប្រទេសស៊ីរី ដោយត្រូវគ្រាប់ផ្លោងចំ។

សាក្សីម្នាក់បាននិយាយថាមានគ្រាប់ផ្លោងមួយគ្រាប់បានធ្លាក់ចំផ្ទះមួយដែលលោកស្រីកំពុងស្នាក់នៅ បន្ទាប់មកលោកស្រីបានរត់ចេញពីផ្ទះនោះ រួចក៏មានគ្រាប់រ៉ូកែតមួយគ្រាប់ទៀតបានបាញ់ចំលោកស្រីពេលលោកស្រីកំពុងរត់ចេញ។

គួរបញ្ជាក់ផងដែរថា លោកស្រី​​​ធ្លាប់​ចុះ​​​យកព័ត៌​មាន​​ក្នុងជម្លោះ​​​ជា​ច្រើន​​នៅយូហ្គោស្លាវី ​​អ៊ី​រ៉ង់ ​​ស្រីលង្កា ​ហើយថ្មីៗ​នេះ ​​​ចូល​យកព័ត៌មាន​ក្នុង​​​ព្រឹត្តិការណ៍​​​​និទាឃ​រដូវ​​​​​អារ៉ាប់ រួច​​លោកស្រី​​​ទើប​​ចុះ​​មក​យក​ព័ត៌​មាន​នៅ​​​ស៊ីរី​៕