កំពូលជើងខ្លាំងមកពីបណ្តាប្រទេសអាស៊ានចំនួន៣ និងមកសាកកម្លាំងនិងស្នៀតគុនជាមួយកំពូលជើងខ្លាំងកម្ពុជា នៅលើសង្វៀនស្ថានីយ ទូរទស្សន៍CTN នៅថ្ងៃទី១៥ ខែមីនា ខាងមុខនេះ នឹងមានព្រឹត្តិការណ៍ប្រកួតប្រដាល់ក្បាច់បុរាណខ្មែរដ៏កក្រើក ជាលក្ខណៈជើងឯកអាស៊ានឆ្នាំ២០១២ដែលពុំធ្លាប់មានពីមុនមកឡើយ ។
កីឡាករមកពីថៃពីររូបត្រូវជួបនិងវ៉ន វីវ៉ា និងភេឌី ម៉ឺនសុភា។វ៉ន វីវ៉ា មកពីក្លឹបព្រះខ័នរាជ្យ ជួបកីឡាករថៃTANEELEK ចំពោះកីឡាករ វ៉ន វីវ៉ា ជាជើងខ្លាំង នៅក្នុងប្រទេសកម្ពុជា។ធ្លាប់ប្រកួតនៅលើសង្វៀនទើបតែបាន៣១លើក ប៉ុណ្ណោះ ក្នុងនោះឈ្នះ២៧លើក ចាញ់៤លើក និងផ្តួលគូប្រកួតឱ្យសន្លប់បាន១២លើក ។ យ៉ាងណាក៏ដោយលើកនេះអាចយ៉ាប់បន្តិចហើយ ព្រោះមកប៉ះចំជើងខ្លាំង TANEELEK ដែលមានប្រវត្តិប្រកួតចំនួន១៦០លើកឯណោះ ។ កីឡាករថៃរូបនេះធ្លាប់ឈ្នះ១៤៥លើក ចាញ់១៥លើក ។ចំណែកភេឌី ម៉ឺនសុភា មកពីក្លឹបយុវជនអង្គរ ជួបកីឡាករថៃ SAMSAMUT ។ ភេឌី ម៉ឺនសុភា ធ្លាប់ប្រកួតបានតែ១៦លើកប៉ុណ្ណោះ ក្នុងនោះ ឈ្នះ១៥លើក ចាញ់១លើក និងផ្តួលគូប្រកួតឱ្យសន្លប់រហូតដល់ទៅ៧លើក ។ រីឯ SAMSAMUTវិញ ប្រវត្តិប្រកួតរបស់គេមាន១១០លើក ឈ្នះ៨៥លើក ចាញ់២៥លើក មិនដែលស្មើ ។ សុភាមិនទាន់ហ៊ាននិយាយទុកមុនពីលទ្ធផលចុងក្រោយរបស់ គេឡើយ ។
អ្នកប្រដាល់កំពូលជើងខ្លាំងមកពីឡាវ២រូប គឺកីឡាករ THONG BANG ជួបឯម លីថូ មកពីក្លឹបគ្រុឌមានជ័យ ឯកីឡាករ NOUKHITH ជួបឯម វុត្ថា មកពីក្លឹបគ្រុឌមានជ័យដូចគ្នា ។កីឡាករTHONG BANG មានប្រវត្តិប្រកួតនៅលើសង្វៀនចំនួន៧៩លើក ឈ្នះការប្រកួតបាន៧២លើក ចាញ់៧លើក និងផ្តួលគូប្រកួតឱ្យសន្លប់បាន២៥លើក ។ ចំណែកឯម លីថូវិញ មានប្រវត្តិប្រកួតបាន១០៣លើក ឈ្នះ៨០លើក ចាញ់១៩លើក និងស្មើ៤លើក ធ្លាប់វាយគូប្រកួតឱ្យសន្លប់១០លើក ។ រីឯNOUKHITH និងឯម វុត្ថា វិញមានប្រវត្តិប្រកួតនៅលើសង្វៀនខុសគ្នាជិតពាក់កណ្តាល ។ NOUKHITH ធ្លាប់ប្រកួតបាន៣៩លើក ឈ្នះ២៩លើក ចាញ់១០លើក មិនដែលស្មើ និងផ្តួលគូប្រកួតឱ្យសន្លប់បាន១២លើក ។ ចំណែកឯម វុត្ថា មានប្រវត្តិឡើងសង្វៀនប្រកួត៧៧លើក ឈ្នះ៦០លើក ចាញ់១៥លើក និងស្មើ២លើក ក្នុងនោះផ្តួលដៃគូឱ្យសន្លប់បាន១៨លើក ។
នៅមានជើងខ្លាំងមកពីម៉ាឡេស៊ី២រូបទៀត ដែលត្រូវមកប៉ះជើងខ្លាំងកម្ពុជាក្នុងនោះសេន ប៊ុនថេន មកពីក្លឹបក្រសួងមហាផ្ទៃ ជួបកីឡាករ FAIZAL ។ ប៊ុនថេនប្រកួតបាន៨៥លើក ឈ្នះ៧៤លើក ចាញ់៨លើក ស្មើ៣លើក និងវាយគូប្រកួតឱ្យសន្លប់បានរហូតដល់ទៅ២១លើក។ ចំណែកឯកីឡាករ FAIZAL វិញ ប្រកួតបានតែ៣៩លើកប៉ុណ្ណោះ ប៉ុន្តែឈ្នះ៣៥លើកទៅហើយ ចាញ់១លើក ស្មើ៣លើក និងផ្តួលគូប្រកួតឱ្យសន្លប់បាន២លើក ។ចំនែកឡុង សុភី មកពីក្លឹបសាលវ័ន្តកីឡាជួបកីឡាករMOHD ALI មកពីប្រទេសម៉ាឡេស៊ី ដែរ ។ សុភីមានប្រវត្តិប្រកួតបាន៧៩លើក ឈ្នះ៥៣លើក ចាញ់២០លើក និងស្មើ៦លើក និងផ្តួលគូប្រកួតឱ្យសន្លប់២៥លើក ។ ចំណែកMOHD ALI ប្រវត្តិប្រកួតមាន៦៦លើក ឈ្នះ៦០លើក ចាញ់១លើក និងស្មើ៥លើក ។ គូនេះមានប្រវត្តិប្រកួតប្រហាក់ប្រហែលគ្នា តែមិនអាចទាយទុកមុនពីលទ្ធផលចាញ់ឈ្នះបានឡើយ ៕
Facebook
No comments:
Post a Comment