អំពើហិង្សានៅប្រទេសនីហ្សេរីយ៉ា

របាយការណ៍នៃចំនួនអ្នកស្លាប់ពីការវាយប្រហារនានានៅក្នុងប្រទេសនីហ្សេរីយ៉ាកាលពីថ្ងៃទី២១ មករា គឺបានរកឃើញមានអ្នកស្លាប់យ៉ាងតិច១៦២ នៅទីក្រុងកាណូ ជាទីក្រុងធំទី២ របស់ប្រទេសនីហ្សេរីយ៉ា ដែលមានសាកសពនៅរាយប៉ាយក្នុងទីក្រុងនេះ។ក្រុមអ៊ីស្លាមបូកាហារ៉ាមបានចេញមុខទទួលខុសត្រូវក្នុងការវាយប្រហារកន្លងមក។អ្នកមើលការខុសត្រូវនៅកន្លែកដាក់សាកសពម្នាក់បាននិយាយថា សាកសពមនុស្ស១៦២នាក់ត្រូវបានគេប្រមូលដាក់នៅទីនោះតាំងពីការវាយប្រហារកាលពីថ្ងៃទី២០ មករា មកម៉្លេះ តាមការស្ទាបស្ទង់ចំនួនអ្នកស្លាប់គឺមានច្រើនជាងនេះ។

អាជ្ញាធរនីហ្សេរីយាបានដាក់បម្រាមគោចរនៅក្នុងទីក្រុងកាណូដែលជាទីដ៏សំខាន់របស់ប្រទេស។កាសែតក្នុងស្រុកមួយបានរាយការណ៍ថាអ្នកនាំពាំក្យម្នាក់របស់ក្រុមអ៊ីស្លាមបូកូហារ៉ាម បានប្រកាសចេញមុខចំពោះការវាយប្រហារទាំងនេះ ដោយពួកគេពន្យល់បន្ថែមថា ការវាយប្រហារទាំងនេះគឺជាការសងសឹកទៅនឹងរដ្ឋាភិបាលដែលបដិសេដ្ឋពុំព្រមដោះលែងសមាជិកក្រុមពួកគេដែលកំពុងជាប់ឃុំ។គួរបញ្ជាក់ផងដែរពួកគេក៏ធ្លាប់បានធ្វើការវាយប្រហារដ៏បង្ហូរឈាមនៅក្នុងឪកាសបុណ្យណូអែលកន្លងទៅដែរ ហើយអំពើហិង្សាទាំងនេះគឺជាការវាយប្រហារកាន់តែខ្លាំងឡើងពីសំណាក់ក្រុមរបស់ពួកគេ។

តាមសម្តីអាជ្ញាធរក្នុងស្រុកបាននិយាយកាលពីយប់ថ្ងៃទី២០ មករា កន្លងមកនេះគឺមានទីតាំង៨ កន្លែងដែលពួកសកម្មប្រយុទុ្ធបានធ្វើការវាយប្រហារ ក្នុង​ចំណោម​ទីតាំង​ជា​គោលដៅ​​វាយប្រហារ​រួម​​មាន​បណ្តា​​ការិយាល័យ​របស់ប៉ូលិស និង​​​​ភ្នាក់ងារ​​​អន្តោប្រវេសន៍​ ព្រមទាំង​​គេហដ្ឋាន​របស់​អ្នក​ទទួលខុសត្រូវ​​ប៉ូលីសម្នាក់ ៕​​