បង្កគ្រោះថ្នាក់ហើយរត់គេចដោយសុវត្តិភាព

បង្កគ្រោះថ្នាក់ហើយរត់គេចដោយសុវត្តិភាព

មានគ្រោះថ្នាក់ចរាចរណ៍មួយបានកើតឡើងលើដងវិថីឯករាជ្យ ម្តុំផ្សា
ឡាក់គីអូស៊ាន នៅវេលាម៉ោងប្រមាណ ១០:៣០ នាទីយប់មិញ កាលពីថ្ងៃទី ២៤ ខែ មករា
ឆ្នាំ ២០១២ ។ ជនរងគ្រោះ ឈ្មោះ ចេង ចំរើន បានអោយដឹងថា នៅវេលាម៉ោង ១០
កន្លះគាត់បានជិះម៉ូតូទៅដុបបងប្អូនចេញពីធ្វើការ ហើយ
ពេលនោះមានភ្លៀងធ្លាក់យ៉ាងខ្លាំង  នៅពេលទៅដល់ត្រង់ចំនុចកើតហេតុ  មានម៉ូតូ
មួយបើកយ៉ាងលឿនក្នុងទិសដៅស្របគ្នា ពីកើត ទៅលិច
ស្រាប់តែម៉ូតូដែលជិះស្របទិសគ្នានោះ បានបត់ម៉ូតូវ៉ែវ
ដោយមិនបានផ្តល់ភ្លើងជាសញ្ញា
ធ្វើអោយម្ចាស់ម៉ូតូមួយគ្រឿងទៀតចាប់ហ្វ្រាំងម៉ូតូមិនទាន់ បណ្តាលអោយគាត់
ទៅបុកម៉ូតូនោះពេញមួយទំហឹង ហើយរូបគាត់មានរបួសជាទំងន់
និងម៉ូតូរបស់គាត់បានខូចខាតផ្នែកខាងមុខស្ទើរតែទាំងអស់
ហើយអ្នកបង្កហេតុបានរត់គេចដោយសុវត្តិភាព។  ឯរូបគាត់ត្រូវបាន
បញ្ជូនទៅមន្ទីពេទ្យ ចំការចេក ខេត្តព្រះសីហនុជាបន្ទាន់។

រៀបរៀងដោយ: គឹម អ៊ាង